2021թ. հոկտեմբերի 9-ին Իսպանիայի Բարսելոնա քաղաքում տեղի ունեցավ Եվրոպայի Հայերի Միության համաժողով, որին ներկա էին եվրոպական տարբեր կառույցների ներկայացուցիչներ, հասարակական գործիչներ Բելգիայից, Բուլղարիայից, Իսպանիայից և Հոլանդիայից։ Համաժողովին ներկա էր նաև Իսպանիայի Թագավորությունում ՀՀ դեսպանության 2-րդ քարտուղար Մարիամ Գևորգյանը, ով ներկայացրեց Իսպանիայի Թագավորությունում ՀՀ արտակարգ և լիազոր դեսպան հարգարժան Վլադիմիր Կարմիրշալյանի ուղերձը և ողջույնի խոսքը։Համաժողովի օրակարգը ներկայացրեց ԵՀՄ նախագահ Արթուր Հովհաննիսյանը:Քննարկվեցին համայնքային, հայապահպանմանը, ազգային միասնությանը, Հայաստան-սփյուռք համագործակցությանը, միության գործունեության վրա համավարակի ազդեցությանը, Հայաստանին տրամադրվող ֆինանսական աջակցությանը, ԵՀՄ ղեկավար կազմի Հայաստան-Արցախ այցին, Բարսելոնայում ԵՀՄ նորաստեղծ կենտրոնի կողմից իրականացվելիք, ինչպես նաև՝ Եվրոպայում հայկական դեսպանատների և հայ համայնքների միջև համագործակցությանն ուղղված ծրագրեր և խնդիրներ: Քննարկվեցին նաև հայկական համայնքների համար Հայ առաքելական եկեղեցու դերին և կարևորությանը վերաբերող հարցեր: Համաժողովի ավարտին տեղի ունեցավ պարգևատրման արարողություն, որի ժամանակ ԵՀՄ պատվավոր անդամի կոչումով պարգևատրվեցին և հատուկ շնորհակալագրեր հանձնվեցին Միության մի շարք անդամներին և գործընկերներին:Համաժողովից հետո՝ հոկտեմբերի 10-ին, Իսպանիայի <<ԵՀՄ>> մասնաճյուղի ներկայացուցիչ Հայկ Եղիազարյանի կողմից կազմակերպվեց Արցախյան 44-օրյա պատերազմի հերոսներին նվիրված բարեգործական համերգ, որի ժամանակ հանգանակված ողջ գումարը, ԵՀՄ որոշմամբ, կհատկացվի պատերազմի ժամանակ վիրավորված զինծառայողներին՝ ուսման ծախսերը հոգալու համար:Համերգին ելույթով հանդես եկան Հայաստանից ժամանած երգիչ-երգչուհիներ՝ Վարդան Բադալյանը, Դավիթ Խաչատրյանը, Եվա Եգանյանը, իսպանաբնակ դուդուկահար Հովհաննես Կարախանյանը, ինչպես նաև Բարսելոնայի «Հայք» պարային համույթը: Համերգին մասնակցեց նաև Կատալոնիայի <<Արարատ Միությունը>>։ Երեկոն վարում էր ԵՀՄ հայաստանյան ներկայացուցիչ Վարդան Թադևոսյանը:Համերգային ծրագրի ավարտից հետո ԵՀՄ բարձրագույն հուշամեդալով հետմահու պարգևատրվեց Արցախյան 44-օրյա պատերազմում հերոսաբար զոհված, Արցախի հերոս, իսպանաբնակ Արմեն Կնյազյանը: Հուշամեդալը հանձնվեց հերոսի կնոջն ու դստերը:Երկօրյա այցի ավարտին ԵՀՄ անդամները, «ԵՀՄ»-ի նախագահ Արթուր Հովհաննիսյանի և փոխնախագահ Արտակ Սերգոյանի գլխավորությամբ, ծաղկեպսակ դրեցին բարսելոնաբնակ հայ գործարար Արման Մայիլյանի նախաձեռնությամբ վերջերս «Սանտա Մարիա Ռեյնա» եկեղեցու բակում կանգնեցված Հայոց ցեղասպանությունը հիշատակող խաչքարի առջև։
Լուսանկարներ՝
![](https://unionam.eu/wp-content/uploads/2022/01/244749430_1296199977508605_4156625369887840090_n.jpg)
![](https://unionam.eu/wp-content/uploads/2022/01/245662801_1296200470841889_7226841861601374379_n.jpg)
![](https://unionam.eu/wp-content/uploads/2022/01/245710037_1296200380841898_2063737348974464224_n.jpg)
![](https://unionam.eu/wp-content/uploads/2022/01/245802220_1296200644175205_1316338849152991217_n.jpg)
![](https://unionam.eu/wp-content/uploads/2022/01/245813706_1296200370841899_7870537371970586217_n.jpg)
![](https://unionam.eu/wp-content/uploads/2022/01/245815646_1296200277508575_1492229668947098121_n.jpg)
![](https://unionam.eu/wp-content/uploads/2022/01/245848326_1296199960841940_5289618028867231625_n.jpg)
![](https://unionam.eu/wp-content/uploads/2022/01/245884836_1296200554175214_6242673108353240462_n.jpg)
![](https://unionam.eu/wp-content/uploads/2022/01/245924219_1296200220841914_3038558966645022094_n.jpg)
![](https://unionam.eu/wp-content/uploads/2022/01/245886505_1296200310841905_6789092746026440427_n.jpg)
![](https://unionam.eu/wp-content/uploads/2022/01/245816122_1296200130841923_5470733138952673948_n.jpg)
![](https://unionam.eu/wp-content/uploads/2022/01/245824310_1296200207508582_2026795427294542539_n.jpg)
![](https://unionam.eu/wp-content/uploads/2022/01/245569083_1296200557508547_8178932516136864954_n.jpg)
![](https://unionam.eu/wp-content/uploads/2022/01/245487667_1296200460841890_8542447741947730818_n.jpg)
![](https://unionam.eu/wp-content/uploads/2022/01/244754752_1296200060841930_2365799942359831785_n-1.jpg)